Author: ഓൺലൈൻ ഡെസ്ക്

തിരുവനന്തപുരം: കേരളത്തിൽ പുതിയ അഡ്വക്കേറ്റ് ജനറൽ, ഡയറക്ടർ ജനറൽ ഓഫ് പ്രോസിക്യൂഷൻ നിയമനങ്ങൾ നടത്താൻ തീരുമാനിച്ചു എന്ന് മുഖ്യമന്ത്രി വി.ഡി. സതീശൻ അറിയിച്ചു. അഡ്വക്കേറ്റ് ജനറലായി അഡ്വ. ജാജു ബാബുവിനെയും ഡയറക്ടർ ജനറൽ ഓഫ് പ്രോസിക്യൂഷനായി അഡ്വ. ടി. ആസഫലിയെയും നിയമിക്കാൻ മന്ത്രിസഭായോഗം തീരുമാനിച്ചു. ആദ്യ മന്ത്രിസഭായോഗത്തിന് ശേഷം നടത്തിയ വാർത്താസമ്മേളനത്തിലാണ് മുഖ്യമന്ത്രി ഇക്കാര്യം വ്യക്തമാക്കിയത്. ഹൈക്കോടതിയിലെ മുതിർന്ന അഭിഭാഷകനാണ് ജാജു ബാബു. അഡ്വക്കറ്റ് ജനറലായിരുന്ന കെ. ഗോപാലകൃഷ്ണക്കുറുപ്പ് ഭരണ മാറ്റത്തെ തുടർന്ന് രാജിവെച്ചതിനെ തുടർന്നാണ് ജാജു ബാബുവിനെ അഡ്വക്കേറ്റ് ജനറലായി നിയമിക്കാൻ തീരുമാനിച്ചത്. ഈ നിയമനങ്ങളെല്ലാം തന്നെ വളരെ ശ്രദ്ധയോടെയാണ് സർക്കാർ നടപ്പിലാക്കുന്നത്. ഡയറക്ടർ ജനറൽ ഓഫ് പ്രോസിക്യൂഷൻ ടി.എ. ഷാജിയുടെ രാജിയും സ്വീകരിച്ചതായി മുഖ്യമന്ത്രി അറിയിച്ചു. ടി.എ. ഷാജിക്ക് പകരം ടി. ആസഫലിയെ നിയമിക്കാനുമുള്ള തീരുമാനം സർക്കാർ കൈക്കൊണ്ടു. കൂടുതൽ വിവരങ്ങൾ പുറത്ത് വരുന്നതിനനുസരിച്ച് അറിയിക്കുന്നതാണ്.

ഡൽഹി: ആഗോളതലത്തിലെ സൂചനകൾ പിന്തുടർന്ന് ഇന്ത്യൻ വിപണികൾ ഇന്ന് താഴ്ന്ന നിലയിൽ തുറക്കുമെന്ന് പ്രതീക്ഷിക്കുന്നു. ഗിഫ്റ്റ് നിഫ്റ്റിയിൽ ഇടിവുണ്ടായി. ഏഷ്യൻ വിപണികൾ താഴ്ന്ന് തുറന്നു. വാൾസ്ട്രീറ്റ് വെള്ളിയാഴ്ച നഷ്ടത്തിൽ വ്യാപാരം അവസാനിപ്പിച്ചു. അസംസ്കൃത എണ്ണവില, രൂപയുടെ ചലനം, വിദേശ നിക്ഷേപകരുടെ ഒഴുക്ക്, പശ്ചിമേഷ്യയിലെ സംഭവവികാസങ്ങൾ എന്നിവ ഈ ആഴ്ച വിപണി സൂക്ഷ്മമായി നിരീക്ഷിക്കും. ഊർജ്ജം, ചരക്കുകൾ, കയറ്റുമതി എന്നിവയുമായി ബന്ധപ്പെട്ട മേഖലകളിൽ ശ്രദ്ധ കേന്ദ്രീകരിക്കാം. കറൻസി, ചരക്ക് വിപണികളിലെ ചാഞ്ചാട്ടം നിക്ഷേപകരുടെ വികാരത്തെ സ്വാധീനിച്ചേക്കാം. വെള്ളിയാഴ്ചത്തെ സെഷനിൽ ഇന്ത്യൻ വിപണികൾ ദുർബലമായിരുന്നു. വൈകിയുള്ള വിൽപ്പന സമ്മർദ്ദത്തിനിടയിൽ എല്ലാ നേട്ടങ്ങളും ഇല്ലാതായി. നിഫ്റ്റി 46 പോയിന്റ് അഥവാ 0.19% ഇടിഞ്ഞ് 23,644-ൽ ക്ലോസ് ചെയ്തു. സെൻസെക്സ് 160 പോയിന്റ് അഥവാ 0.21% ഇടിഞ്ഞ് 75,238-ൽ ക്ലോസ് ചെയ്തു. ഗിഫ്റ്റ് നിഫ്റ്റി 137 പോയിന്റ് അഥവാ 0.58 ശതമാനം കുറഞ്ഞ് 23,525 എന്ന നിലയിലാണ് വ്യാപാരം നടത്തുന്നത്. ഏഷ്യൻ വിപണികൾ താഴ്ന്നുതന്നെയാണ് വ്യാപാരം നടത്തുന്നത്.…

ദുബായ്: പ്രവാസികൾക്ക് ദുബായ് നഗരത്തോടുള്ള ഇഷ്ടം വർധിച്ചു വരുന്നു. ഏറ്റവും പുതിയ കണക്കുകൾ പ്രകാരം, ലോകത്തിലെ ഏറ്റവും മികച്ച നഗരങ്ങളിൽ ഒന്നായി ദുബായ് മാറിക്കഴിഞ്ഞു. ഇവിടെ കുടുംബമായി താമസിക്കാനും ജോലി ചെയ്യാനും കൂടുതൽ സൗകര്യങ്ങൾ ഉണ്ട്. ജിഡിആർഎഫ്എയുടെ പുതിയ കണക്കുകൾ വ്യക്തമാക്കുന്നത് അനുസരിച്ച് ദുബായിലേക്ക് താമസം മാറുന്നവരുടെ എണ്ണത്തിൽ വലിയ വർധനവ് ഉണ്ടായിട്ടുണ്ട്. 2021 മുതൽ 2026 വരെയുള്ള ആദ്യ പാദത്തിൽ ജിഡിആർഎഫ്എ അനുവദിച്ച വിസകളുടെ എണ്ണം ഗണ്യമായി ഉയർന്നു. ഈ കാലയളവിൽ വിദഗ്ധരായ ആളുകളുടെ കുടുംബങ്ങൾക്ക് 1,67,124-ൽ അധികം റെസിഡൻസി വിസകൾ നൽകി. കൂടാതെ റിയൽ എസ്റ്റേറ്റ് നിക്ഷേപകരുടെ കുടുംബങ്ങൾക്ക് 1,00,286-ൽ അധികം റെസിഡൻസി വിസകളും നൽകിയിട്ടുണ്ട്. ശാസ്ത്രജ്ഞർ, നിക്ഷേപകർ, ജീവകാരുണ്യ പ്രവർത്തകർ, മികച്ച വിദ്യാർത്ഥികൾ, ജോലിയിൽ നിന്ന് വിരമിച്ചവർ തുടങ്ങിയവരുടെ കുടുംബങ്ങൾക്കും റെസിഡൻസി വിസകൾ നൽകിയിട്ടുണ്ട്. ദുബായിലെ ജീവിതം കൂടുതൽ എളുപ്പമാക്കുന്നതിന് വേണ്ടി വിപുലമായ ഡിജിറ്റൽ സേവനങ്ങളാണ് ജിഡിആർഎഫ്എ ഒരുക്കിയിരിക്കുന്നത്. പാസ്‌പോർട്ട് വിതരണം, പുതുക്കൽ, കേടായ പാസ്‌പോർട്ടുകൾക്ക് പകരം…

സംസ്ഥാനം: സംസ്ഥാനത്ത് സ്വർണവിലയിൽ ഇടിവ്. ഒരു പവൻ സ്വർണത്തിന് 114560 രൂപയും ഗ്രാമിന് 14320 രൂപയുമാണ് ഇന്നത്തെ വില. രാജ്യാന്തര വിപണിയിൽ ട്രോയ് ഔൺസിന് 4543 ഡോളറാണ് വില. കഴിഞ്ഞ ദിവസം ഒരു പവൻ സ്വർണത്തിന് 115080 രൂപയായിരുന്നു. ഈ മാസത്തെ ഏറ്റവും ഉയർന്ന നിരക്കിൽ സ്വർണമെത്തിയത് മെയ് 13-നാണ്, അന്ന് ഒരു പവന് 123120 രൂപയായിരുന്നു വില. പിന്നീട് വില താഴേക്ക് പോവുകയായിരുന്നു. തിങ്കളാഴ്ച രാവിലെ എംസിഎക്‌സിലും സ്വർണ്ണ വില കുറഞ്ഞു. അസംസ്‌കൃത എണ്ണ വിലയിലെ കുതിച്ചുചാട്ടം ഡോളറിൻ്റെ ആവശ്യകത വർദ്ധിപ്പിച്ചു. ഇത് ഡോളർ സൂചിക ഉയരാൻ കാരണമായി. ഡോളർ ശക്തമാകുമ്പോൾ മറ്റ് കറൻസികളിൽ സ്വർണം വാങ്ങുന്നവർക്ക് ചെലവ് ഉയരും. ക്രൂഡ് ഓയിൽ വില ഉയരുന്നത് പണപ്പെരുപ്പ ആശങ്കകൾക്ക് കാരണമാകുന്നതാണ് പ്രധാന തിരിച്ചടി. എംസിഎക്‌സിൽ ജൂൺ ഗോൾഡ് ഫ്യൂച്ചേഴ്സ് 0.43% കുറഞ്ഞ് 10 ഗ്രാമിന് 1,57,858 എന്ന നിലയിലെത്തി. ജൂലൈ ഫ്യൂച്ചേഴ്സ് 1.24% കുറഞ്ഞ് കിലോയ്ക്ക് 2,68,511 എന്ന നിലയിലാണ്…

തൃശ്ശൂർ: മണ്ണുത്തി-വടക്കഞ്ചേരി ദേശീയപാതയിലുണ്ടായ വാഹനാപകടത്തിൽ രണ്ടുപേർ മരിച്ചു. പെരിഞ്ഞനം സ്വദേശികളായ രാജലക്ഷ്മി (75), വിലാസിനി (78) എന്നിവരാണ് മരിച്ചത്. നിയന്ത്രണം വിട്ട കാർ നീർപ്പാലത്തിന്റെ തൂണിലിടിച്ച് അപകടമുണ്ടായി. ഒരു കുടുംബത്തിലെ മൂന്നുപേർക്ക് ഗുരുതരമായി പരിക്കേറ്റു. ഞായറാഴ്ച വൈകുന്നേരം ആറുമണിയോടെ ചുവന്നമണ്ണിലായിരുന്നു അപകടം. പാലക്കാട് തത്തമംഗലത്ത് നിന്ന് മടങ്ങുകയായിരുന്നു പെരിഞ്ഞനം സ്വദേശികളായ അഞ്ചംഗ സംഘം. റോഡിന് നടുവിലുള്ള കോൺക്രീറ്റ് ബാരിക്കേഡിലിടിച്ച കാർ 30 മീറ്ററോളം മുന്നോട്ട് നീങ്ങി നീർപ്പാലത്തിന്റെ തൂണിലിടിച്ച് നിൽക്കുകയായിരുന്നു. റോഡിലെ സൂചന ബോർഡും തകർത്താണ് വാഹനം പാഞ്ഞുകയറിയത്. കാർ ഓടിച്ചിരുന്ന ശ്രീഹരി, പിതാവ് ബാബു, മാതാവ് ഷീജ എന്നിവരെ അതീവ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. അപകടത്തിന് പിന്നാലെ പ്രദേശത്ത് വലിയ തോതിലുള്ള ജനരോഷം ഉയർന്നു. ദേശീയപാതയിലെ ‘യു ടേൺ’ അടച്ചുകെട്ടിയത് കാരണം അപകടസ്ഥലത്തേക്ക് ആംബുലൻസിന് യഥാസമയം എത്തിച്ചേരാൻ കഴിഞ്ഞില്ലെന്ന് നാട്ടുകാർ ആരോപിച്ചു. ഏകദേശം 20 മിനിറ്റോളം വൈകിയാണ് ആംബുലൻസ് എത്തിയത്. ജീവൻ രക്ഷിക്കാനുള്ള നിർണ്ണായകമായ സമയം നഷ്ടപ്പെട്ടതിൽ പ്രകോപിതരായ നാട്ടുകാർ…

കൊൽക്കത്ത: ബംഗാൾ രാഷ്ട്രീയത്തിൽ സിനിമയെ വെല്ലുന്ന പോരാട്ടവീര്യവുമായി ബിജെപിയും തൃണമൂലും നേർക്കുനേർ. തൃണമൂൽ നേതാവ് ജഹാംഗീർ ഖാൻ താൻ സിനിമയിലെ ‘പുഷ്പ’യെപ്പോലെയാണെന്ന് അവകാശപ്പെട്ടതിന് മറുപടിയുമായി മുഖ്യമന്ത്രി സുവേന്ദു അധികാരി രംഗത്ത്. ഫാൽട്ടയിലെ തെരഞ്ഞെടുപ്പ് റാലിയെ അഭിസംബോധന ചെയ്യവെയാണ് സുവേന്ദു കടുത്ത ഭാഷയിൽ വെല്ലുവിളി നടത്തിയത്. ‘ഈ പുഷ്പയുടെ ഉത്തരവാദിത്വം ഇപ്പോൾ എനിക്കാണ്. അയാളെ എങ്ങനെ കൈകാര്യം ചെയ്യണമെന്ന് എനിക്കറിയാം’ എന്നും അദ്ദേഹം പറഞ്ഞു. ബംഗാളിലെ ഫാൽട്ട മണ്ഡലത്തിൽ വോട്ടെടുപ്പിനിടെ നടന്ന അക്രമ സംഭവങ്ങളാണ് നിലവിലെ വാക്പോരിലേക്ക് നയിച്ചത്. ആദ്യഘട്ട വോട്ടെടുപ്പിൽ ബിജെപി പ്രവർത്തകരെ വോട്ട് ചെയ്യാൻ അനുവദിക്കാത്തതിനെത്തുടർന്ന് മെയ് 21-ന് മണ്ഡലത്തിൽ റീപോളിംഗ് നിശ്ചയിച്ചിരിക്കുകയാണ്. ക്രമസമാധാന ചുമതലയുള്ള എൻകൗണ്ടർ സ്പെഷ്യലിസ്റ്റ് അജയ് പാൽ ശർമ്മ തന്നെ സന്ദർശിച്ചതിന് പിന്നാലെയാണ് ജഹാംഗീർ ഖാൻ സ്വയം ‘പുഷ്പ’ എന്ന് വിശേഷിപ്പിച്ചത്. മയക്കുമരുന്ന് മാഫിയയിലൂടെ വളർന്ന സിനിമാ കഥാപാത്രത്തെപ്പോലെ താനും കരുത്തനാണെന്നായിരുന്നു ഖാന്റെ അവകാശവാദം. തൃണമൂൽ സ്ഥാനാർത്ഥി കൂടിയായ ജഹാംഗീർ ഖാൻ കുപ്രസിദ്ധ ക്രിമിനലാണെന്നും റീപോളിംഗിൽ…

ഭോപ്പാല്‍: മധ്യപ്രദേശിലെ ചരിത്രപ്രസിദ്ധമായ ഭോജ്ശാല സമുച്ചയം വാഗ്ദേവി ക്ഷേത്രമാണെന്ന ഹൈക്കോടതിയുടെ സുപ്രധാന വിധിക്ക് പിന്നാലെ ലണ്ടനിലെ ബ്രിട്ടീഷ് മ്യൂസിയത്തിലുള്ള സരസ്വതി വിഗ്രഹം തിരികെ എത്തിക്കാനുള്ള നടപടികള്‍ ഊര്‍ജ്ജിതമാക്കി. വിഗ്രഹം വീണ്ടെടുക്കാനുള്ള കേന്ദ്ര സര്‍ക്കാരിന്റെ നീക്കങ്ങളെ സ്വാഗതം ചെയ്യുന്നതായും ഇതിനായി സംസ്ഥാന സര്‍ക്കാര്‍ എല്ലാ പിന്തുണയും നല്‍കുമെന്നും മുഖ്യമന്ത്രി മോഹന്‍ യാദവ് വ്യക്തമാക്കി. ബ്രിട്ടീഷ് ഭരണകാലത്ത് ക്ഷേത്രത്തില്‍ നിന്ന് കടത്തിക്കൊണ്ടുപോയ വിഗ്രഹം തിരികെ കൊണ്ടുവരുന്നത് പരിഗണിക്കുമെന്ന കേന്ദ്ര നിര്‍ദ്ദേശം സാംസ്‌കാരിക അഭിമാനത്തെ ശക്തിപ്പെടുത്തുന്നതാണെന്ന് മുഖ്യമന്ത്രി എക്സില്‍ കുറിച്ചു. കോടതി വിധിയിലൂടെ ഭോജ്ശാലയുടെ അന്തസ്സ് വീണ്ടെടുക്കപ്പെട്ടതായും സാമൂഹിക ഐക്യവും സാംസ്‌കാരിക പൈതൃകവും സംരക്ഷിക്കാന്‍ സര്‍ക്കാര്‍ പ്രതിജ്ഞാബദ്ധമാണെന്നും അദ്ദേഹം കൂട്ടിച്ചേര്‍ത്തു. ലണ്ടനിലെ ബ്രിട്ടീഷ് മ്യൂസിയത്തിലുള്ള വിഗ്രഹം തിരികെ എത്തിക്കുന്നതിന് മുന്നില്‍ ചില നിയമതടസ്സങ്ങളുണ്ട്. ബ്രിട്ടീഷ് മ്യൂസിയം ആക്ട് 1963 പ്രകാരം മ്യൂസിയത്തിലെ പുരാവസ്തുക്കള്‍ രാജ്യത്തിന് പുറത്തേക്ക് കൊണ്ടുപോകുന്നതിന് യുകെയില്‍ കര്‍ശനമായ നിയന്ത്രണങ്ങളുണ്ട്. 1970-ലെ യുനെസ്‌കോ കണ്‍വെന്‍ഷന്‍ പ്രകാരം നിയമവിരുദ്ധമായോ അനുമതിയില്ലാതെയോ കടത്തിയ സാംസ്‌കാരിക വസ്തുക്കള്‍ അവയുടെ…

കാൺപൂർ: നെറ്റിയിൽ സിന്ദൂരം ചാർത്തി സ്കൂളിലെത്തിയ ആറാം ക്ലാസ് വിദ്യാർത്ഥിയെ മർദ്ദിച്ച അധ്യാപികയ്ക്കെതിരെ നടപടി. ഉത്തർപ്രദേശിലെ മദർ തെരേസ ഹയർ സെക്കൻഡറി സ്കൂളിലെ അധ്യാപികയായ ഹിബ ഫാത്തിമയെയാണ് മാനേജ്മെന്റ് ജോലിയിൽ നിന്ന് പിരിച്ചുവിട്ടത്. കുട്ടി ധരിച്ചിരുന്ന സിന്ദൂരം ബലം പ്രയോഗിച്ച് തുടച്ചുമാറ്റുകയും അധ്യാപിക ക്രൂരമായി മർദ്ദിക്കുകയുമായിരുന്നു. സ്കൂളിൽ നടന്ന സംഭവം കുട്ടി വീട്ടിലറിയിച്ചതോടെയാണ് വിവരം പുറംലോകമറിഞ്ഞത്. രക്ഷിതാക്കൾ നൽകിയ പരാതിയുടെ അടിസ്ഥാനത്തിൽ എബിവിപി പ്രവർത്തകർ സ്കൂളിൽ പ്രതിഷേധവുമായി എത്തുകയും സംഘർഷാവസ്ഥ ഉടലെടുക്കുകയും ചെയ്തു. തുടർന്ന് പൊലീസിന്റെ സാന്നിധ്യത്തിൽ സ്കൂൾ അധികൃതരും പ്രതിഷേധക്കാരുമായി നടത്തിയ ചർച്ചയെത്തുടർന്നാണ് അധ്യാപികയെ പുറത്താക്കാൻ തീരുമാനിച്ചത്. മതപരമായ ചിഹ്നങ്ങളുടെ പേരിൽ വിദ്യാർത്ഥികളെ വേർതിരിക്കാനോ ഉപദ്രവിക്കാനോ പാടില്ലെന്നും സനാതന സംസ്കാരത്തിന്റെ ഭാഗമായ സിന്ദൂരം ധരിച്ചതിന് കുട്ടിയെ മർദ്ദിച്ചത് അംഗീകരിക്കാനാവില്ലെന്നും എബിവിപി സിറ്റി സെക്രട്ടറി സുധാൻഷു ത്രിപാഠി പ്രതികരിച്ചു. സംഭവത്തിൽ പൊലീസ് അന്വേഷണം തുടരുകയാണ്.

തിരുവനന്തപുരം: യുഡിഎഫ് സർക്കാരിന്റെ സത്യപ്രതിജ്ഞാ ചടങ്ങ് കീഴ്‌വഴക്ക ലംഘനമാണെന്ന ആക്ഷേപം ഉയരുന്നു. മുഖ്യമന്ത്രിമാരും മന്ത്രിമാരും ലോക്ഭവനിൽ വെച്ച് സത്യപ്രതിജ്ഞ ചെയ്ത് അധികാരമേൽക്കുന്ന കീഴ്വഴക്കം വി.ഡി. സതീശനും ഉപേക്ഷിച്ചു. എവിടെ സത്യപ്രതിജ്ഞ നടത്തണം എന്ന് ഭരണഘടനയിൽ പറയുന്നില്ലെങ്കിലും ആർഭാടം കുറച്ച് കീഴ്വഴക്കം പാലിക്കാൻ പുതിയ സർക്കാർ ബാധ്യസ്ഥരാണ്. കോടികൾ മുടക്കിയാണ് സെൻട്രൽ സ്റ്റേഡിയത്തിൽ സത്യപ്രതിജ്ഞ നടക്കുന്നത്. കഴിഞ്ഞ എൽഡിഎഫ് സർക്കാരുകൾ കീഴ്വഴക്ക ലംഘനത്തിന് തുടക്കമിട്ടതും ഇതേ പാതയാണ് ഇൻഡി മുന്നണിയുടെ ഭാഗമായ യുഡിഎഫും വി.ഡി. സതീശനും പിന്തുടരുന്നത്. അതേസമയം, വിജയ് മോഡൽ സത്യപ്രതിജ്ഞ ചെയ്യാനുള്ള വി.ഡി. സതീശന്റെ നീക്കത്തിന് ലോക്ഭവൻ തടയിട്ടു. സത്യപ്രതിജ്ഞാ ചടങ്ങ് വേദിയിൽ മുഖ്യമന്ത്രിയും മന്ത്രിമാരും ചീഫ് സെക്രട്ടറിയും മാത്രമേ പാടുള്ളൂവെന്ന് ലോക്ഭവൻ വ്യക്തമാക്കി. ലോക്സഭാ പ്രതിപക്ഷ നേതാവും ക്ഷണിക്കപ്പെട്ട മുഖ്യമന്ത്രിമാരുമുണ്ടെന്ന് പ്രോട്ടോകോൾ വിഭാഗം ഗവർണറെ അറിയിച്ചിരുന്നു. വേദിയിൽ മറ്റുള്ളവർ പാടില്ലെന്ന് ലോക്ഭവൻ നിർദ്ദേശം നൽകി. വേദിയിൽ ആരൊക്കെ വേണമെന്ന് തീരുമാനിക്കേണ്ടത് ഗവർണറാണെന്ന് പൊതുഭരണവകുപ്പ് അറിയിച്ചു. വിവിഐപികൾക്കും വേദിയിൽ ഇരിപ്പിടം…

തിരുവനന്തപുരം: നിയുക്ത മുഖ്യമന്ത്രി വി.ഡി.സതീശൻ പുതിയ മന്ത്രിമാരുടെ പട്ടിക രാജ്ഭവനിലെത്തി ഗവർണർക്ക് കൈമാറി. മുഖ്യമന്ത്രി ഉൾപ്പെടെ 21 അംഗ മന്ത്രിസഭയാണ് നാളെ സത്യപ്രതിജ്ഞ ചെയ്ത് അധികാരമേൽക്കുന്നത്. മുസ്ലിം ലീഗിന്റെ ശക്തമായ സമ്മർദ്ദങ്ങൾക്കൊടുവിൽ അവർ ആവശ്യപ്പെട്ട അഞ്ച് മന്ത്രിസ്ഥാനങ്ങളും കോൺഗ്രസ് നേതൃത്വം അംഗീകരിച്ചു. 20 യുഡിഎഫ് മന്ത്രിമാരുടെ ലിസ്റ്റാണ് ഗവർണർക്ക് സമർപ്പിച്ചത്. അർഹതയുള്ള പലരെയും വിവിധ സമവാക്യങ്ങളും മുന്നണിയിലെ സീറ്റ് വിഭജനവും പരിഗണിക്കേണ്ടി വന്നതിനാൽ പട്ടികയിൽ ഉൾപ്പെടുത്താൻ സാധിച്ചിട്ടില്ലെന്ന് വി.ഡി.സതീശൻ പറഞ്ഞു. കോൺഗ്രസിന് മുഖ്യമന്ത്രി ഉൾപ്പെടെ 12 പേരും മുസ്ലിം ലീഗിന് അഞ്ച് മന്ത്രിമാരുമാണ് പുതിയ മന്ത്രിസഭയിലുള്ളത്. തിരുവഞ്ചൂർ രാധാകൃഷ്ണൻ സ്പീക്കറായും ഷാനിമോൾ ഉസ്മാൻ ഡെപ്യൂട്ടി സ്പീക്കറായും ചുമതലയേൽക്കും. വകുപ്പുകൾ സംബന്ധിച്ച ഔദ്യോഗിക വിവരങ്ങൾ നാളെ ഗവർണർക്ക് കൈമാറുമെന്നും ഗസറ്റ് വിജ്ഞാപനത്തിൽ വകുപ്പുകളുടെ കൃത്യമായ വിവരങ്ങൾ പുറത്തുവരുമെന്നും വി.ഡി.സതീശൻ വാർത്താസമ്മേളനത്തിൽ അറിയിച്ചു. മന്ത്രിമാരുടെ വകുപ്പുകൾ താഴെ നൽകുന്നു: വി.ഡി.സതീശൻ – മുഖ്യമന്ത്രി (ധനം, തുറമുഖം, നിയമം), രമേശ് ചെന്നിത്തല – ആഭ്യന്തരം, വിജിലൻസ്,…