ദേശീയം: 2026-ലെ ആദ്യ നാല് മാസങ്ങളിൽ ഇന്ത്യൻ ഓഹരി വിപണി കടുത്ത ചാഞ്ചാട്ടങ്ങൾക്കും സമ്മർദ്ദങ്ങൾക്കും സാക്ഷ്യം വഹിച്ചു. ആഗോള തലത്തിലെ യുദ്ധഭീതിയും, വിദേശ നിക്ഷേപകർ ഇന്ത്യൻ വിപണിയിൽ നിന്ന് പിന്മാറുന്നതും മുൻനിര ഓഹരികളെപ്പോലും പ്രതികൂലമായി ബാധിച്ചു. എന്നാൽ ഈ തകർച്ചയ്ക്കിടയിലും നിക്ഷേപകരുടെ മനം കുളിർപ്പിച്ച ചില ഓഹരികളുണ്ട്. വെറും 4 മാസം കൊണ്ട് 1 ലക്ഷം രൂപയുടെ നിക്ഷേപം 3.66 ലക്ഷമാക്കി മാറ്റിയ, അതായത് 97% മുതൽ 266% വരെ ലാഭം നൽകിയ 6 മൾട്ടിബാഗർ ഓഹരികളെക്കുറിച്ചാണ് താഴെ പറയുന്നത്.
ഏസ് ഇക്വിറ്റി ഡാറ്റ പ്രകാരം ഈ വർഷം വിപണിയിലെ താരങ്ങളായ ആ 6 ഓഹരികൾ ഇവയാണ് സ്റ്റെർലൈറ്റ് ടെക്നോളജീസ് (266% മുന്നേറ്റം), എംടാർ ടെക്നോളജീസ് (176% മുന്നേറ്റം), ഡീ ഡെവലപ്മെന്റ് എൻജിനീയേഴ്സ് (127% മുന്നേറ്റം), എച്ച്എഫ്സിഎൽ (107% മുന്നേറ്റം), ജിഇ പവർ ഇന്ത്യ (106% മുന്നേറ്റം), ബജാജ് കൺസ്യൂമർ കെയർ (97% മുന്നേറ്റം) എന്നിവയാണ്. ഈ ഓഹരികളുടെ വിലയിലും വലിയ വർധനവ് ഉണ്ടായിട്ടുണ്ട്. സ്റ്റെർലൈറ്റ് ടെക്നോളജീസിൻ്റെ ഓഹരി വില 104 രൂപയിൽ നിന്ന് 375 രൂപയായും, എംടാർ ടെക്നോളജീസിൻ്റെ ഓഹരി വില 2,421 രൂപയിൽ നിന്ന് 6,620 രൂപയായും ഉയർന്നു.
ഓഹരി വിപണിയിലെ നിക്ഷേപം നഷ്ടസാധ്യതകൾക്ക് വിധേയമാണ്. അതിനാൽ ഏതൊരു നിക്ഷേപവും സ്വന്തം ഉത്തരവാദിത്തത്തിലും പഠനത്തിലും മാത്രം ചെയ്യുക. മുകളിൽ നൽകിയിരിക്കുന്ന വിവരങ്ങൾ ഏസ് ഇക്വിറ്റിയിൽ നിന്നും ലഭ്യമായ വസ്തുതകളെ അടിസ്ഥാനമാക്കിയുള്ളതാണ്. ഇതൊരു ഓഹരി വാങ്ങാനോ ഒഴിവാക്കാനോ ഉള്ള സാമ്പത്തിക നിർദ്ദേശമല്ല.
