ചെട്ടികുളങ്ങര: ദേവീക്ഷേത്രത്തിൽ 13 ദിവസങ്ങളിലായി നടന്നുവന്ന രാമായണോത്സവത്തിന്റെ ഭാഗമായി സംഘടിപ്പിച്ച കലാ-സാഹിത്യ മത്സരങ്ങളിൽ വിദ്യാധിരാജ വിദ്യാപീഠം ഓവറോൾ കിരീടം സ്വന്തമാക്കി. ശ്രീദേവി വിലാസം കൺവൻഷൻ ഓർഗനൈസിങ് കമ്മിറ്റിയുടെ നേതൃത്വത്തിൽ നടന്ന മത്സരങ്ങളിൽ കെ.ജി. സെന്റ് ജോൺസ് ചൂനാട് രണ്ടാം സ്ഥാനവും, സെന്റ് ജോൺസ് എച്ച്.എസ്.എസ് മൂന്നാം സ്ഥാനവും കരസ്ഥമാക്കി. ചെട്ടികുളങ്ങര ഹയർ സെക്കൻഡറി സ്കൂളും മത്സരങ്ങളിൽ മികച്ച പ്രകടനം കാഴ്ചവെച്ചു.
മത്സരങ്ങളിൽ മികച്ച പാടവം തെളിയിച്ച വിദ്യാധിരാജ വിദ്യാപീഠത്തിലെ സുമയ്യ നാഷാദ് കലാപ്രതിഭയായും, സെന്റ് ജോൺസ് എച്ച്.എസ്.എസിലെ അർവിന്ദ് സുവർണ പ്രതിഭയായും തിരഞ്ഞെടുക്കപ്പെട്ടു. എൽ.പി, ഹൈസ്കൂൾ വിഭാഗങ്ങളിലെ വിവിധ ഇനങ്ങളിൽ ഒന്നാം സ്ഥാനം നേടിയാണ് സുമയ്യ നാഷാദ് ഈ നേട്ടം കൈവരിച്ചത്. പ്രസംഗം, ക്വിസ് മത്സരങ്ങളിൽ മികച്ച പ്രകടനം കാഴ്ചവെച്ച അർവിന്ദ്, തുടർച്ചയായ അഞ്ചാം വർഷമാണ് സുവർണ പ്രതിഭ പുരസ്കാരം സ്വന്തമാക്കുന്നത്. ഇതിനുപുറമെ, സെന്റ് ജോൺസ് എച്ച്.എസ്.എസിലെ ഫോർ ഹൗസ്, ചൂനാട്, വിദ്യാധിരാജ സ്കൂൾ എന്നിവയും വിവിധ ഗ്രേഡുകളിൽ മികച്ച നേട്ടങ്ങൾ കൈവരിച്ചു.
മഹായാഗോത്സവത്തിന്റെ സമാപന സമ്മേളനം ചലച്ചിത്ര താരം ജലജ ഉദ്ഘാടനം ചെയ്തു. ഒ. സുനിൽ, യു. നാസർ, സുരേഷ് ചെന്നിത്തല തുടങ്ങിയവർ ചടങ്ങിൽ സംസാരിച്ചു. വിജയികൾക്കുള്ള കാഷ് പ്രൈസും ട്രോഫികളും ചടങ്ങിൽ വിതരണം ചെയ്തു. സീനിയർ വിഭാഗത്തിൽ സുമയ്യ നാഷാദ് കരസ്ഥമാക്കിയ നേട്ടങ്ങളും ഇത്തവണത്തെ രാമായണോത്സവത്തിലെ ശ്രദ്ധേയമായ പ്രകടനങ്ങളിലൊന്നായി മാറി.
