ന്യൂഡൽഹി: മികച്ച ബാറ്ററി കരുത്തും ആകർഷകമായ കളർ ഓപ്ഷനുകളും ഉൾപ്പെടുത്തി വൺപ്ലസ് എൻ6എക്സ് (OnePlus N6x) ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുന്നു. ബർഗൻ്റി റെഡ്, ഐസ് ബ്ലൂ എന്നീ നിറങ്ങളിൽ ലഭ്യമാകുന്ന ഈ സ്മാർട്ട്ഫോൺ വൺപ്ലസ് എൻ സീരീസിലെ രണ്ടാമത്തെ മോഡലാണ്. വൺപ്ലസ് ആരാധകർ ഏറെ പ്രതീക്ഷയോടെ കാത്തിരിക്കുന്ന ഈ ഹാൻഡ്സെറ്റ് ഈ മാസം അവസാനത്തോടെ ഇന്ത്യൻ വിപണിയിൽ എത്തും.
വൺപ്ലസ് എൻ6എക്സിന്റെ പ്രധാന സവിശേഷത അതിശയിപ്പിക്കുന്ന ബാറ്ററി ലൈഫ് ആണ്. ഒറ്റ ചാർജിൽ ഏകദേശം രണ്ടര ദിവസം വരെ പ്രവർത്തിക്കാൻ ഈ ഫോണിന് സാധിക്കുമെന്നാണ് കമ്പനി അവകാശപ്പെടുന്നത്. 7,000mAh ശേഷിയുള്ള ബാറ്ററിയാണ് ഇതിൽ ഉൾപ്പെടുത്തിയിരിക്കുന്നത്. കൂടാതെ, ഒറ്റ ചാർജിൽ 20.56 മണിക്കൂർ വീഡിയോ പ്ലേബാക്ക്, 133.56 മണിക്കൂർ മ്യൂസിക് പ്ലേബാക്ക്, 25.04 മണിക്കൂർ സോഷ്യൽ മീഡിയ ഉപയോഗം, 11.26 മണിക്കൂർ വീഡിയോ റെക്കോർഡിംഗ് എന്നിവ സാധ്യമാകുമെന്ന് കമ്പനിയുടെ ഔദ്യോഗിക മൈക്രോസൈറ്റ് വ്യക്തമാക്കുന്നു.
ജൂലൈ 31-ന് ഉച്ചയ്ക്ക് 12 മണിക്കാണ് വൺപ്ലസ് എൻ6എക്സ് ഇന്ത്യയിൽ ഔദ്യോഗികമായി ലോഞ്ച് ചെയ്യുന്നത്. ആമസോൺ (Amazon), വൺപ്ലസ് ഇന്ത്യയുടെ ഔദ്യോഗിക ഓൺലൈൻ സ്റ്റോർ എന്നിവ വഴി ഉപഭോക്താക്കൾക്ക് ഈ സ്മാർട്ട്ഫോൺ സ്വന്തമാക്കാം. ഫോണിന്റെ രൂപകല്പനയിലും മുൻ മോഡലുകളിൽ നിന്ന് വ്യത്യസ്തമായ മാറ്റങ്ങൾ കമ്പനി കൊണ്ടുവന്നിട്ടുണ്ട്. മുൻനിര സവിശേഷതകൾ ഉൾപ്പെടുത്തി എത്തുന്ന ഈ പുതിയ ഹാൻഡ്സെറ്റ് വിപണിയിൽ വലിയ ചർച്ചയാകുമെന്നാണ് കരുതപ്പെടുന്നത്.
