സാമ്പത്തിക ലോകം: 0.14 പൈസയിൽ നിന്ന് 35.10 രൂപയിലേക്ക് കുതിച്ചുയർന്ന് നിക്ഷേപകരുടെ ഇഷ്ട ഓഹരിയായി മാറിയ നർചർ വെൽ ഇൻഡസ്ട്രീസ് (Nurture Well Industries) ശ്രദ്ധ നേടുന്നു. വെറും 5 വർഷം കൊണ്ട് ഒരു ലക്ഷം രൂപയുടെ നിക്ഷേപം 2.5 കോടി രൂപയായി ഉയർന്നതാണ് ഇതിന് കാരണം. ഈ ഓഹരി ലക്ഷപ്രഭുവിനെ കോടീശ്വരനാക്കിയെന്ന് പറയാം. ഇതിന്റെ 52 ആഴ്ചയിലെ ഉയർന്ന വില 46 രൂപയാണ്. ഈ നേട്ടം ഓഹരി നൽകി കഴിഞ്ഞു.
1985 മുതൽ കൺസ്യൂമർ ഫുഡ്സ് രംഗത്ത് പ്രവർത്തിക്കുന്ന കമ്പനിയാണ് നർചർ വെൽ ഇൻഡസ്ട്രീസ്. ഓർഗാനിക്, ഇനോർഗാനിക് ഫുഡ് ഉത്പന്നങ്ങളുടെ നിർമ്മാണമാണ് പ്രധാനമായും ചെയ്യുന്നത്. ബിസ്ക്കറ്റുകൾ, മിഠായികൾ, ബേക്കറി ഉൽപ്പന്നങ്ങൾ എന്നിവയും നിർമ്മിക്കുന്നു. ഉത്പന്ന വൈവിധ്യവൽക്കരണം, വിതരണ ശൃംഖലയുടെ വികസനം, ആഭ്യന്തര-വിദേശ വിപണികളിലെ ബിസിനസ് വികസനം എന്നിവ കമ്പനി ലക്ഷ്യമിടുന്നു.
2021 മെയ് 19-ന് 0.14 പൈസയായിരുന്നു ഓഹരിയുടെ വില. അവിടെ നിന്ന് ഏകദേശം 24,971% വരെ ഉയർന്ന് 35 രൂപയിലെത്തി. നിലവിൽ, ഓഹരി 52 ആഴ്ചയിലെ ഉയർന്ന വിലയേക്കാൾ 23.7% താഴ്ന്ന് വ്യാപാരം നടത്തുന്നു. കഴിഞ്ഞ ഒരു മാസത്തിൽ ഇന്ത്യൻ ഓഹരി വിപണിയിലെ വില്പന സമ്മർദ്ദത്തിനിടയിലും 13.38% നേട്ടം കൈവരിച്ചു. കഴിഞ്ഞ ഒരു വർഷത്തിൽ 20.47% ഉയർച്ചയാണ് രേഖപ്പെടുത്തിയത്. ഡിസംബർ പാദത്തിൽ കമ്പനിയുടെ ലാഭം 17 കോടിയിൽ നിന്ന് 33 കോടിയായി ഉയർന്നു. അറ്റാദായം 16 കോടിയിൽ നിന്ന് 31 കോടിയായി ഉയർന്നു. നിലവിൽ ഓഹരിയുടെ 53.81% പ്രൊമോട്ടർമാരുടെ കയ്യിലുണ്ട്. റീട്ടെയിൽ നിക്ഷേപകരുടെ പക്കൽ 45.80% ഓഹരികളാണുള്ളത്.
