Author: ഓൺലൈൻ ഡെസ്ക്

വാഷിംഗ്ടൺ: എച്ച്-1ബി വിസ അപേക്ഷകള്‍ക്കായി ട്രംപ് ഭരണകൂടം ഏര്‍പ്പെടുത്തിയ 100,000 ഡോളര്‍ ഫീസ് നിയമവിരുദ്ധമാണെന്ന് പ്രഖ്യാപിച്ച് അമേരിക്കന്‍ ഫെഡറല്‍ കോടതിയുടെ സുപ്രധാന വിധി. ഈ തുക ഫീസല്ല, മറിച്ച് നികുതിയാണെന്ന് ബോസ്റ്റണിലെ യുഎസ് ഡിസ്ട്രിക്റ്റ് കോടതി ജഡ്ജി ലിയോ സൊറോക്കിന്‍ നിരീക്ഷിച്ചു. കോണ്‍ഗ്രസിന്റെ കൃത്യമായ അനുമതിയില്ലാതെ ഇത്തരത്തിലൊരു നികുതി ചുമത്താന്‍ ഭരണകൂടത്തിന് അധികാരമില്ലെന്ന് ചൂണ്ടിക്കാട്ടിയാണ് കോടതിയുടെ നടപടി. 20 സംസ്ഥാനങ്ങള്‍ ചേര്‍ന്ന് നല്‍കിയ ഹര്‍ജി പരിഗണിച്ചുകൊണ്ടാണ് കോടതി ഈ നിര്‍ണ്ണായക ഉത്തരവ് പുറപ്പെടുവിച്ചത്. നികുതികളും കുടിയേറ്റ നയങ്ങളും നിശ്ചയിക്കാനുള്ള കോണ്‍ഗ്രസിന്റെ ഭരണഘടനാപരമായ അധികാരം ട്രംപ് ഭരണകൂടം ഏകപക്ഷീയമായി കവര്‍ന്നെടുത്തു എന്ന് കോടതി കണ്ടെത്തി. അമേരിക്കന്‍ ടെക് കമ്പനികള്‍ വ്യാപകമായി ആശ്രയിക്കുന്ന എച്ച്-1ബി വിസ പ്രോഗ്രാമില്‍ അമിതഭാരം അടിച്ചേല്‍പ്പിച്ചത് നിയമപരമായി നിലനില്‍ക്കില്ലെന്നും കോടതി വ്യക്തമാക്കി. ഈ വിധി അമേരിക്കയിലെ ഇന്ത്യന്‍ പ്രൊഫഷണലുകള്‍ക്കും ഫിസിഷ്യന്‍മാര്‍ക്കും വലിയ ആശ്വാസമാണ് പകരുന്നത്. 2026 സാമ്പത്തിക വര്‍ഷത്തില്‍ മാത്രം അപേക്ഷ വേഗത്തിലാക്കാന്‍ 200,000-ത്തിലധികം പേര്‍ ഈ ഭീമമായ തുക…

ന്യൂഡൽഹി: പ്രധാനമന്ത്രി ഉജ്ജ്വല യോജന പ്രകാരം ഗാർഹിക എൽപിജി സിലിണ്ടറുകൾക്ക് നൽകിയിരുന്ന സബ്സിഡിയിൽ കേന്ദ്ര സർക്കാർ നിർണായക മാറ്റങ്ങൾ വരുത്തുന്നു. പദ്ധതിയുടെ ഭാഗമായി ബിപിഎൽ കുടുംബങ്ങൾക്ക് ലഭിച്ചുകൊണ്ടിരുന്ന സബ്സിഡി ആനുകൂല്യങ്ങളിലാണ് കുറവ് വരുത്തിയത്. നിലവിൽ ഒരു വർഷം ഒമ്പത് സിലിണ്ടറുകൾക്ക് ലഭിച്ചിരുന്ന സബ്സിഡി ഇനി മുതൽ ആദ്യത്തെ നാല് സിലിണ്ടറുകൾക്ക് മാത്രമായി ചുരുങ്ങും. ഓരോ സിലിണ്ടറിനും 300 രൂപ വീതം സബ്സിഡി ലഭിക്കുന്ന രീതിയിലാണ് പുതിയ ക്രമീകരണം. കേന്ദ്ര പെട്രോളിയം, പ്രകൃതി വാതക മന്ത്രാലയമാണ് ഇതുസംബന്ധിച്ച വിവരങ്ങൾ പുറത്തുവിട്ടത്. ഈ മാറ്റത്തിലൂടെ ഉജ്ജ്വല പദ്ധതി ഗുണഭോക്താക്കൾക്ക് പ്രതിവർഷം 1,200 രൂപയുടെ സബ്സിഡി മാത്രമായിരിക്കും ലഭ്യമാകുക. കഴിഞ്ഞ വർഷം ഗുണഭോക്താക്കൾക്ക് ലഭിച്ചിരുന്ന സബ്സിഡി സിലിണ്ടറുകളുടെ എണ്ണം 12-ൽ നിന്ന് ഒമ്പതായി കുറച്ചിരുന്നു. ഇതിന്റെ തുടർച്ചയായാണ് ഇപ്പോൾ എണ്ണം നാലായി വെട്ടിക്കുറച്ചിരിക്കുന്നത്. ദാരിദ്ര്യരേഖയ്ക്ക് താഴെയുള്ള സ്ത്രീകൾക്ക് പാചകവാതക ലഭ്യത ഉറപ്പാക്കാനും വിറക്, കൽക്കരി തുടങ്ങിയ പരമ്പരാഗത ഇന്ധനങ്ങൾക്ക് പകരമായി എൽപിജി ഉപയോഗം പ്രോത്സാഹിപ്പിക്കാനുമായി 2016-ലാണ്…

സംസ്ഥാനം: മൺസൂൺ കാലത്തിന് മുന്നോടിയായി കടലിന്റെ ആവാസവ്യവസ്ഥ സംരക്ഷിക്കുന്നതിനും മത്സ്യസമ്പത്ത് വർധിപ്പിക്കുന്നതിനുമായി ഏർപ്പെടുത്തുന്ന വാർഷിക ട്രോളിങ് നിരോധനം ഇന്ന് അർധരാത്രി മുതൽ സംസ്ഥാനത്ത് നിലവിൽ വരും. ജൂലൈ 31 വരെ നീണ്ടുനിൽക്കുന്ന 52 ദിവസത്തെ ഈ നിരോധന കാലയളവിൽ മത്സ്യബന്ധന യാനങ്ങൾക്ക് കർശന നിയന്ത്രണങ്ങളായിരിക്കും ഏർപ്പെടുത്തുക. മത്സ്യങ്ങളുടെ പ്രജനന കാലം സുഗമമാക്കുകയെന്നതാണ് ഈ സർക്കാർ നടപടിയുടെ പ്രധാന ലക്ഷ്യം. നിരോധനം പ്രാബല്യത്തിൽ വരുന്നതോടെ യന്ത്രവത്കൃത ബോട്ടുകൾക്ക് കടലിൽ മീൻപിടുത്തത്തിന് പൂർണ്ണ വിലക്കുണ്ടാകും. പരിസ്ഥിതിക്ക് ദോഷകരമായ ‘പെയർ ട്രോളിങ്’ (രണ്ട് വള്ളങ്ങൾ ചേർന്ന് നടത്തുന്ന മീൻപിടുത്തം) പൂർണ്ണമായും നിരോധിച്ചിട്ടുണ്ട്. കൂടാതെ, സംസ്ഥാനത്തെ വിവിധ ഹാർബറുകളിലെ ഡീസൽ ബങ്കുകളുടെ പ്രവർത്തനം നിർത്തിവെക്കുമെന്നും, അന്യസംസ്ഥാന ബോട്ടുകൾക്ക് തീരപ്രദേശത്ത് പ്രവേശിക്കാൻ അനുമതിയുണ്ടായിരിക്കില്ലെന്നും ഫിഷറീസ് വകുപ്പ് അധികൃതർ അറിയിച്ചു. അതേസമയം, പരമ്പരാഗത മത്സ്യത്തൊഴിലാളികൾക്ക് ഈ കാലയളവിൽ ഇളവുകൾ അനുവദിച്ചിട്ടുണ്ട്. ചെറുവള്ളങ്ങൾ ഉപയോഗിച്ച് ഉപരിതല മത്സ്യബന്ധനം നടത്തുന്നതിന് ഇവർക്ക് തടസ്സമുണ്ടാകില്ല. തീരത്തുനിന്ന് 12 നോട്ടിക്കൽ മൈൽ പരിധി വരെ ഇവർക്ക്…

സംസ്ഥാനം: സംസ്ഥാനത്ത് സ്വർണവിലയിൽ കുത്തനെ വർധന. ഒരു പവൻ സ്വർണത്തിന് 1,12,320 രൂപയായാണ് പുതിയ വില. ഗ്രാമിന് 14,040 രൂപയും രേഖപ്പെടുത്തി. ഇന്നലെ ഒരു പവൻ സ്വർണത്തിന് 1,11,240 രൂപയും ഗ്രാമിന് 13,905 രൂപയുമായിരുന്നു വില. കഴിഞ്ഞ ദിവസത്തെ അപേക്ഷിച്ച് സ്വർണവിലയിൽ ഗണ്യമായ വർധനവാണ് രേഖപ്പെടുത്തിയിരിക്കുന്നത്. അതേസമയം, രാജ്യാന്തര വിപണിയിൽ സ്വർണവിലയിൽ ഇടിവ് പ്രകടമായി. ട്രോയ് ഔൺസിന് 4,327 രൂപയായാണ് വില കുറഞ്ഞത്. മിഡിൽ ഈസ്റ്റിലെ സംഘർഷാവസ്ഥകളും അസംസ്കൃത എണ്ണയുടെ വിലയിലുണ്ടായ വർധനവുമാണ് ജൂൺ 8-ന് സ്വർണവിലയിൽ ഇടിവുണ്ടാകാൻ കാരണമായത്. പത്ത് ഗ്രാമിന് 0.94 ശതമാനം ഇടിഞ്ഞ് 1,54,290 രൂപയായും, വെള്ളി വില 1.6 ശതമാനം ഇടിഞ്ഞ് കിലോയ്ക്ക് 2,45,120 രൂപയിലുമാണ് വ്യാപാരം നടക്കുന്നത്. മിഡിൽ ഈസ്റ്റിലെ നിലവിലെ സംഘർഷങ്ങൾ ആഗോള വിപണിയിലെ സ്വർണവിലയെ കാര്യമായി സ്വാധീനിക്കുന്നുണ്ട്. ഇറാൻ-ഇസ്രായേൽ സംഘർഷവുമായി ബന്ധപ്പെട്ട പുതിയ സംഭവവികാസങ്ങൾക്കായി നിക്ഷേപകർ കാത്തിരിക്കുകയാണ്. ഈ സാഹചര്യങ്ങൾ ട്രോയ് ഔൺസ് വിലയിൽ പ്രതിഫലിക്കുന്നുണ്ട്. വരും ദിവസങ്ങളിൽ ഡോളർ സൂചികയിലെ…

ഇന്ത്യ: രാജ്യത്തെ അതിവേഗ ഡെലിവറി വിപണിയില്‍ വന്‍ മുന്നേറ്റവുമായി സ്റ്റാര്‍ട്ടപ്പ് കമ്പനിയായ ‘സെപ്‌റ്റോ’. മാര്‍ച്ചില്‍ അവസാനിച്ച പാദത്തിലെ സാമ്പത്തിക വിവരങ്ങള്‍ പുറത്തുവന്നതോടെ, എതിരാളികളായ സ്വിഗ്ഗി ഇന്‍സ്റ്റാമാര്‍ട്ടിനെ പിന്തള്ളാനും വിപണിയിലെ ഒന്നാം സ്ഥാനക്കാരായ സോമാറ്റോയുടെ ബ്ലിങ്കിറ്റുമായുള്ള അകലം ഗണ്യമായി കുറയ്ക്കാനും കമ്പനിക്ക് കഴിഞ്ഞു. കമ്പനി സമര്‍പ്പിച്ച ഏറ്റവും പുതിയ ഡ്രാഫ്റ്റ് പ്രോസ്‌പെക്ടസിലാണ് ഈ വിവരങ്ങളുള്ളത്. അതേസമയം, ബിസിനസ്സ് വലിയ തോതില്‍ വളരുമ്പോഴും ലാഭക്ഷമത കൈവരിക്കുന്നതിലെ വെല്ലുവിളികള്‍ കമ്പനി നേരിടുന്നുണ്ട്. ഓര്‍ഡറുകളുടെ എണ്ണത്തില്‍ വലിയ കുതിപ്പാണ് സെപ്‌റ്റോ കാഴ്ചവെക്കുന്നത്. മാര്‍ച്ച് പാദത്തില്‍ മാത്രം 21 കോടി ഓര്‍ഡറുകളാണ് കമ്പനി പ്രോസസ്സ് ചെയ്തത്. മുന്‍വര്‍ഷത്തെ അപേക്ഷിച്ച് 70 ശതമാനത്തിന്റെ വളര്‍ച്ചയാണിത്. ഇതേ കാലയളവില്‍ 11.26 കോടി ഓര്‍ഡറുകള്‍ മാത്രം നേടിയ സ്വിഗ്ഗി ഇന്‍സ്റ്റാമാര്‍ട്ടിനേക്കാള്‍ ഇരട്ടിയോളം മുന്നിലെത്താന്‍ സെപ്‌റ്റോയ്ക്ക് സാധിച്ചു. 27.39 കോടി ഓര്‍ഡറുകളുമായി ബ്ലിങ്കിറ്റ് ഇപ്പോഴും ഒന്നാം സ്ഥാനത്ത് തുടരുന്നുണ്ടെങ്കിലും ഡാര്‍ക്ക് സ്റ്റോറുകളുടെ ഉല്‍പ്പാദനക്ഷമതയില്‍ സെപ്‌റ്റോ മികച്ച പ്രകടനം പുറത്തെടുക്കുന്നു. കണക്കുകള്‍ പ്രകാരം, സെപ്‌റ്റോയുടെ ഒരു…

തിരുവനന്തപുരം: സാമൂഹിക മാധ്യമങ്ങളിൽ റീച്ച് കൂട്ടുന്നതിനായി മാധ്യമപ്രവർത്തകരെന്ന വ്യാജേന വ്ളോഗർമാർ നടത്തുന്ന അശോഭനമായ ഇടപെടലുകൾ അങ്ങേയറ്റം അപലപനീയമാണെന്ന് കേരള പത്രപ്രവർത്തക യൂണിയൻ. നടൻ സലിം കുമാറിന്റെ മരണാനന്തര ചടങ്ങുകളിൽ ഇവർ നടത്തിയ പ്രവൃത്തികൾ പരിഷ്കൃത സമൂഹത്തിന് തന്നെ അപമാനകരമാണ്. വാളെടുത്തവനെല്ലാം വെളിച്ചപ്പാട് എന്ന ശൈലിയിൽ പ്രവർത്തിക്കുന്ന ഇത്തരം പ്രവണതകൾ അംഗീകരിക്കാനാവില്ല. മാനവികതയെ പോലും വെല്ലുവിളിക്കുന്ന ഇത്തരക്കാരുടെ അഭ്യാസങ്ങൾ മാന്യമായി തൊഴിലെടുക്കുന്ന മാധ്യമപ്രവർത്തകരുടെ തലയിൽ കെട്ടിവെക്കുന്നത് ഖേദകരമാണെന്ന് യൂണിയൻ വിലയിരുത്തുന്നു. മനുഷ്യന്റെ ദുഃഖവും മരണവും പ്രതിസന്ധികളും അപകടങ്ങളും ചിലർക്ക് സാമൂഹിക മാധ്യമങ്ങളിൽ കാഴ്ചക്കാരെ കൂട്ടാനുള്ള ഉപാധികളായി മാറുന്ന പ്രവണത വർധിക്കുകയാണ്. അനാവശ്യ ഇടപെടലുകളും സ്വകാര്യതയിലേക്കുള്ള കടന്നുകയറ്റവും മനുഷ്യന്റെ അടിസ്ഥാന അവകാശങ്ങളോടുള്ള വെല്ലുവിളിയാണ്. ഇന്ത്യൻ ഭരണഘടന ഉറപ്പുനൽകുന്ന സ്വകാര്യതയ്ക്കുള്ള അവകാശം മൗലികാവകാശമാണെന്ന് ഓരോരുത്തരും ഓർക്കണം. അതിനാൽ, സാഹചര്യം ഉൾക്കൊണ്ട് മാന്യമായും മറ്റുള്ളവരുടെ സ്വകാര്യതയെ മാനിച്ചും പ്രവർത്തിക്കാൻ എല്ലാവരും തയാറാകണം. മത്സരാധിഷ്ഠിതമായ ഈ ലോകത്ത് സ്വന്തം പ്രവൃത്തികൾ മര്യാദയുടെ സീമ ലംഘിക്കുന്നുണ്ടോയെന്ന ആത്മപരിശോധന മാധ്യമ സമൂഹവും…

കണ്ണൂർ: ചാല-തന്നട ജംഗ്ഷന് സമീപം റോഡരികിൽ നിർത്തിയിട്ട കാറിനുള്ളിൽ വെൽഡിംഗ് തൊഴിലാളിയെ മരിച്ച നിലയിൽ കണ്ടെത്തി. തന്നട സ്വദേശി കുണ്ടത്തിൽ റെജിൻ (35) ആണ് മരിച്ചത്. ഞായറാഴ്ച രാത്രിയോടെയാണ് സംഭവം ശ്രദ്ധയിൽപ്പെട്ടത്. കാർ ലോക്ക് ചെയ്ത നിലയിലായിരുന്നു. സംശയം തോന്നിയ നാട്ടുകാർ വിവരമറിയിച്ചതിനെത്തുടർന്ന് അഗ്നിരക്ഷാ സേന സ്ഥലത്തെത്തി വാഹനം തുറന്ന് പരിശോധിക്കുകയും റെജിനെ ഉടൻ തന്നെ ആശുപത്രിയിൽ എത്തിക്കുകയും ചെയ്തു. എന്നാൽ അപ്പോഴേക്കും മരണം സംഭവിച്ചിരുന്നു. രാജൻ-കാഞ്ചന ദമ്പതികളുടെ മകനാണ് റെജിൻ. മഞ്ജു സഹോദരിയുമാണ്. സംഭവത്തിൽ പോലീസ് തുടർനടപടികൾ സ്വീകരിച്ചു വരുന്നു.

തിരുവനന്തപുരം: സംസ്ഥാനത്ത് കനത്ത മഴ തുടരുന്ന സാഹചര്യത്തിൽ കോഴിക്കോട്, കണ്ണൂർ, കാസർകോട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ചു. വിവിധ ജില്ലകളിൽ റെഡ് അലർട്ട് നിലനിൽക്കുന്നതിനാലും കനത്ത മഴയും കാറ്റും തുടരുന്നതിനാലും വിദ്യാർത്ഥികളുടെ സുരക്ഷ മുൻനിർത്തിയാണ് ജില്ലാ ഭരണകൂടങ്ങൾ അവധി പ്രഖ്യാപിച്ചത്. കോഴിക്കോട് ജില്ലയിൽ റെഡ് അലർട്ട് നിലനിൽക്കുന്ന സാഹചര്യത്തിലും പലയിടങ്ങളിലും വെള്ളക്കെട്ട് രൂപപ്പെട്ടതിനാലും അങ്കണവാടികൾ, മദ്രസകൾ, ട്യൂഷൻ സെന്ററുകൾ, പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ അവധി നൽകി. കണ്ണൂർ, കാസർകോട് ജില്ലകളിലും റെഡ് അലർട്ട് പ്രഖ്യാപിച്ചിരിക്കുന്നതിനാൽ പ്രൊഫഷണൽ കോളേജുകൾ, ഐ.സി.എസ്.ഇ, സി.ബി.എസ്.ഇ സ്കൂളുകൾ, കേന്ദ്രീയ വിദ്യാലയങ്ങൾ എന്നിവ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. എന്നാൽ, റസിഡൻഷ്യൽ സ്കൂളുകൾക്ക് അവധി ബാധകമല്ലെന്നും മുൻകൂട്ടി നിശ്ചയിച്ച സർവകലാശാലാ പരീക്ഷകൾക്കും പി.എസ്.സി പരീക്ഷകൾക്കും മാറ്റമുണ്ടാകില്ലെന്നും അധികൃതർ വ്യക്തമാക്കി. അതേസമയം, കനത്ത മഴയിൽ മണ്ണിടിച്ചിൽ സാധ്യത നിലനിൽക്കുന്നതിനാൽ പൊൻമുടി ഇക്കോ ടൂറിസത്തിലേക്കുള്ള സന്ദർശകർക്ക് വനംവകുപ്പ് നിയന്ത്രണം…

തിരുവനന്തപുരം: സംസ്ഥാനത്തെ ഐഎഎസ് ഉദ്യോഗസ്ഥ തലപ്പത്ത് വൻ അഴിച്ചുപണി. സസ്പെൻഷൻ റദ്ദാക്കപ്പെട്ടതിനെ തുടർന്ന് ബി. അശോക് ഉന്നത വിദ്യാഭ്യാസ വകുപ്പ് പ്രിൻസിപ്പൽ സെക്രട്ടറിയായി ചുമതലയേൽക്കും. സസ്പെൻഷൻ കാലാവധി അവസാനിച്ച എൻ. പ്രശാന്തിനെ കായിക വകുപ്പ് സ്പെഷ്യൽ സെക്രട്ടറിയായി നിയമിച്ചു. ഇദ്ദേഹത്തിന് യുവജനകാര്യം, മൃഗശാല, മ്യൂസിയം എന്നീ വകുപ്പുകളുടെ അധിക ചുമതല കൂടി ഉണ്ടായിരിക്കും. വിവിധ വകുപ്പുകളിലായി നടന്ന സ്ഥാനമാറ്റത്തിൽ അഡീഷണൽ ചീഫ് സെക്രട്ടറി ബിശ്വനാഥ സിൻഹയ്ക്ക് കയർ വികസന വകുപ്പിന്റെയും ഹൗസിംഗ് വകുപ്പിന്റെയും അധിക ചുമതല നൽകി. കെ.ആർ. ജ്യോതിലാലിന് പ്ലാനിംഗ് ബോർഡിന്റെ അധിക ചുമതലയും, കൃഷി വകുപ്പ് അഡീഷണൽ ചീഫ് സെക്രട്ടറിയായി മിൻഹാജ് ആലമിനെയും നിയമിച്ചിട്ടുണ്ട്. രാജു നാരായണ സ്വാമി സൈനിക ക്ഷേമ വകുപ്പ് പ്രിൻസിപ്പൽ സെക്രട്ടറിയായും, ടി.വി. അനുപമ ഗതാഗത സെക്രട്ടറിയായും പ്രവർത്തിക്കും. ആരോഗ്യ വകുപ്പ് പ്രിൻസിപ്പൽ സെക്രട്ടറിയായി ഷാർമിള മേരി ജോസഫിനെ നിയമിച്ചു. രത്തൻ യു. ഖേൽക്കറിന് തുറമുഖ വകുപ്പ് സെക്രട്ടറിയുടെ അധിക ചുമതലയും, കെ. ബിജുവിനെ…

കൊട്ടാരക്കര: കൊട്ടാരക്കര ലോവര്‍ കരിക്കം ഭാഗത്ത് നിന്ന് കുട്ടികളടക്കം പത്ത് ബംഗ്ലാദേശി പൗരന്മാരെ പോലീസ് കസ്റ്റഡിയിലെടുത്തു. അഞ്ച് പുരുഷന്മാരും രണ്ട് സ്ത്രീകളും മൂന്ന് കുട്ടികളുമടങ്ങുന്ന സംഘത്തെയാണ് പിടികൂടിയത്. രേഖകളില്ലാതെയും വ്യാജരേഖകള്‍ ഉപയോഗിച്ചും പന്ത്രണ്ട് വർഷത്തിലധികമായി ഇവർ ഈ പ്രദേശത്ത് താമസിച്ചുവരികയായിരുന്നുവെന്ന് പോലീസ് വ്യക്തമാക്കി. കഴിഞ്ഞ ദിവസം ചവറയിൽ നിന്ന് രണ്ട് ബംഗ്ലാദേശി പൗരന്മാരെ പോലീസ് പിടികൂടിയിരുന്നു. ഇവരെ വിശദമായി ചോദ്യം ചെയ്തതിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ നടത്തിയ അന്വേഷണത്തിലാണ് കൊട്ടാരക്കരയിൽ അനധികൃതമായി താമസിക്കുന്ന ഇവരെ കണ്ടെത്തിയത്. പിടിയിലായവരെ പോലീസ് കസ്റ്റഡിയിലെടുത്ത് കൂടുതൽ ചോദ്യം ചെയ്തു വരികയാണ്. ഇവർ എങ്ങിനെയാണ് ഇത്രയും കാലം ഇവിടെ താമസിക്കാൻ ഇടയായത്, വ്യാജരേഖകൾ നിർമ്മിക്കാൻ ആരെങ്കിലും സഹായിച്ചിട്ടുണ്ടോ തുടങ്ങിയ കാര്യങ്ങളിൽ സമഗ്രമായ അന്വേഷണം പുരോഗമിക്കുകയാണെന്ന് അധികൃതർ അറിയിച്ചു. സുരക്ഷാ ഏജൻസികളും സംഭവത്തിൽ അതീവ ജാഗ്രത പുലർത്തുന്നുണ്ട്.