Author: ഓൺലൈൻ ഡെസ്ക്

വാഷിംഗ്ടൺ: യുഎസ് ഫെഡ് റിസർവ് പലിശ നിരക്കുകളിൽ മാറ്റം വരുത്തേണ്ടതില്ലെന്ന് തീരുമാനിച്ചു. തുടർച്ചയായ അഞ്ചാം തവണയാണ് പലിശ നിരക്ക് 3.5 ശതമാനം മുതൽ 3.75 ശതമാനം വരെയുള്ള പരിധിയിൽ തന്നെ നിലനിർത്താൻ ഫെഡ് ബോർഡ് തീരുമാനിച്ചിരിക്കുന്നത്. ആഗോള സാമ്പത്തിക രംഗത്തെ നിലവിലെ സ്ഥിതിഗതികൾ സൂക്ഷ്മമായി വിലയിരുത്തിയ ശേഷമാണ് ഭരണസമിതി ഇത്തരമൊരു സുപ്രധാന തീരുമാനത്തിലേക്ക് എത്തിയത്. പലിശ നിരക്കുകൾ ഇനിയും ഉയർത്തിയേക്കുമെന്ന വിപണിയുടെ ആശങ്കകൾക്ക് ഈ നടപടിയിലൂടെ തൽക്കാലിക വിരാമമായിരിക്കുകയാണ്. അമേരിക്കൻ സമ്പദ്‌വ്യവസ്ഥയുടെ വളർച്ചയും പണപ്പെരുപ്പ നിരക്കും കൃത്യമായ തോതിൽ നിയന്ത്രണത്തിലാണെന്ന് വ്യക്തമാക്കുന്നതാണ് ഫെഡിന്റെ ഈ നിലപാട്. അന്താരാഷ്ട്ര ഓഹരി വിപണികളിൽ ഈ തീരുമാനം വലിയൊരു അളവിൽ ആത്മവിശ്വാസം പകർന്നിട്ടുണ്ട്. എങ്കിലും, വരും മാസങ്ങളിലെ സാമ്പത്തിക സാഹചര്യങ്ങൾ വിലയിരുത്തിക്കൊണ്ട് ഈ വർഷം അവസാനത്തോടെ പലിശ നിരക്കുകളിൽ ആവശ്യമായ മാറ്റങ്ങൾ ഉണ്ടായേക്കാമെന്ന സൂചനയും സാമ്പത്തിക വിദഗ്ധർ നൽകുന്നുണ്ട്. യുഎസ് ഫെഡ് റിസർവിന്റെ ഈ നയസമീപനം ഇന്ത്യൻ വിപണി ഉൾപ്പെടെയുള്ള ആഗോള വിപണികളുടെ മുന്നോട്ടുള്ള പോക്കിൽ…

മുംബൈ: വ്യാഴാഴ്ച വ്യാപാരത്തിന്റെ തുടക്കത്തിൽ ഇന്ത്യൻ ഓഹരി വിപണിയിൽ ചാഞ്ചാട്ടം പ്രകടമായി. യുഎസ് ഫെഡറൽ റിസർവ് പലിശ നിരക്കുകളിൽ മാറ്റം വരുത്തിയില്ലെങ്കിലും, ഈ വർഷം അവസാനം ഒരു പലിശ വർദ്ധനവിനുള്ള സാധ്യത തള്ളിക്കളയാതിരുന്നത് വിപണിയുടെ സ്ഥിരതയെ ബാധിച്ചു. ആദ്യ വ്യാപാരത്തിൽ സെൻസെക്സും നിഫ്റ്റിയും നേട്ടത്തിനും നഷ്ടത്തിനുമിടയിൽ മാറിമറിഞ്ഞു. ബാങ്കിംഗ്, റിയൽറ്റി, കൺസ്യൂമർ സെക്ടറുകളിൽ ഇടിവുണ്ടായെങ്കിലും, ഐടി ഓഹരികളിലെ വാങ്ങൽ താൽപ്പര്യം വിപണിയെ വലിയ വീഴ്ചയിൽ നിന്ന് സംരക്ഷിച്ചു. ഇന്ത്യൻ രൂപയുടെ മൂല്യത്തിലുണ്ടായ വീണ്ടെടുപ്പും വിദേശ നിക്ഷേപകരുടെ ഷോർട്ട് കവറിംഗും വിപണി വികാരത്തിന് പിന്തുണ നൽകി. പ്രധാന സൂചികകളുടെ പ്രകടനം പരിശോധിക്കുമ്പോൾ, വലിയ അസ്ഥിരത നിലനിന്നിട്ടും നിഫ്റ്റി 24,250 നിലവാരത്തിന് മുകളിൽ പിടിച്ച് നിന്ന് ചെറിയ റേഞ്ചിൽ വ്യാപാരം തുടർന്നു. എന്നാൽ പ്രോഫിറ്റ് ബുക്കിംഗ് പ്രകടമായതോടെ മിഡ്‌ക്യാപ്, സ്‌മോൾക്യാപ് സൂചികകൾ ബെഞ്ച്‌മാർക്ക് സൂചികകളേക്കാൾ താഴേക്കിറങ്ങി. നിഫ്റ്റി മിഡ്‌ക്യാപ് 100, നിഫ്റ്റി സ്‌മോൾക്യാപ് 100 സൂചികകൾ 0.3 ശതമാനം വീതം ഇടിവ് രേഖപ്പെടുത്തി. 30…

സംസ്ഥാനത്ത് ദിവസങ്ങളായി തുടര്‍ന്നുവന്ന സ്വര്‍ണവിലയിലെ ഇടിവിന് വിരാമമിട്ട് വിലയില്‍ കുതിപ്പ്. ഇന്ന് ഗ്രാമിന് 75 രൂപയും പവന് 600 രൂപയുമാണ് വര്‍ധിച്ചത്. ഇതോടെ സംസ്ഥാനത്തെ വിപണിയില്‍ ഒരു ഗ്രാം സ്വര്‍ണത്തിന്റെ വില 13,230 രൂപയായും ഒരു പവന്‍ സ്വര്‍ണത്തിന്റെ വില 1,05,840 രൂപയായും ഉയര്‍ന്നു. ലൈറ്റ് വെയ്റ്റ് ആഭരണങ്ങള്‍ നിര്‍മ്മിക്കാനുപയോഗിക്കുന്ന 18 കാരറ്റ് സ്വര്‍ണത്തിന്റെ വിലയിലും വര്‍ധനവുണ്ടായിട്ടുണ്ട്. ഗ്രാമിന് 65 രൂപ വര്‍ധിച്ച് 10,870 രൂപയിലാണ് ഇതിന്റെ വ്യാപാരം പുരോഗമിക്കുന്നത്. അതേസമയം, വെള്ളി വിലയില്‍ മാറ്റമില്ലാതെ തുടരുകയാണ്; ഒരു ഗ്രാം വെള്ളിക്ക് 235 രൂപ എന്ന നിരക്കിലാണ് വ്യാപാരം നടക്കുന്നത്. അമേരിക്കന്‍ ഫെഡറല്‍ റിസര്‍വിന്റെ പലിശ നിരക്കുമായി ബന്ധപ്പെട്ട നയങ്ങളാണ് സ്വര്‍ണവിലയിലെ ഈ അനുകൂല മാറ്റത്തിന് പ്രധാന കാരണമായി ചൂണ്ടിക്കാണിക്കപ്പെടുന്നത്. തുടര്‍ച്ചയായ അഞ്ചാം തവണയും പലിശ നിരക്ക് 3.5% മുതല്‍ 3.75% വരെയുള്ള പരിധിയില്‍ തന്നെ നിലനിര്‍ത്താന്‍ യുഎസ് ഫെഡ് തീരുമാനിച്ചിരുന്നു. ഈ സാമ്പത്തിക സ്ഥിതിവിശേഷമാണ് ആഗോളതലത്തിലെന്നപോലെ സ്വര്‍ണവിപണിയിലും പ്രതിഫലിക്കുന്നത്. ഇതിനുപുറമെ,…

ന്യൂഡൽഹി: റെഡ്മി തങ്ങളുടെ ഏറ്റവും പുതിയ സ്മാർട്ട്‌ഫോൺ മോഡലായ റെഡ്മി നോട്ട് 17 ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുന്നു. ചൈനീസ് വിപണിയിൽ ഇതിനകം ശ്രദ്ധേയമായ ഈ സ്മാർട്ട്‌ഫോൺ, 8,000mAh ശേഷിയുള്ള കരുത്തുറ്റ ബാറ്ററിയുമായാണ് എത്തുന്നത്. കമ്പനി തങ്ങളുടെ ഔദ്യോഗിക എക്‌സ് (X) ഹാൻഡിൽ വഴിയാണ് ഇന്ത്യയിലെ ലോഞ്ച് തീയതിയും വരവും ഔദ്യോഗികമായി സ്ഥിരീകരിച്ചിരിക്കുന്നത്. ചൈനീസ് വിപണിയിൽ റെഡ്മി നോട്ട് 17 പ്രോ മോഡലുകൾക്കൊപ്പം അവതരിപ്പിച്ച ഈ ഹാൻഡ്‌സെറ്റ്, 7 ഇഞ്ച് വലിപ്പമുള്ള ഡിസ്‌പ്ലേയും ബാറ്ററി ശേഷിയിലെ സവിശേഷതകളും കൊണ്ട് ഇതിനകം ശ്രദ്ധ നേടിയിട്ടുണ്ട്. ആമസോൺ ഇന്ത്യ വഴിയും റെഡ്മിയുടെ ഓൺലൈൻ, റീട്ടെയിൽ ഔട്ട്‌ലെറ്റുകൾ വഴിയും ഉപഭോക്താക്കൾക്ക് ഈ സ്മാർട്ട്‌ഫോൺ ലഭ്യമാകും. ചൈനീസ് വേരിയന്റിലേതിന് സമാനമായി 45W ഫാസ്റ്റ് ചാർജിംഗും 22.5W റിവേഴ്‌സ് വയർഡ് ചാർജിംഗ് സൗകര്യവും പുതിയ മോഡലിൽ പ്രതീക്ഷിക്കാം. സ്മാർട്ട്‌ഫോൺ വിപണിയിലെ ഈ വിഭാഗത്തിൽ ലഭ്യമാകുന്ന ഏറ്റവും വലിയ ബാറ്ററികളിൽ ഒന്നായിരിക്കും ഇത്. വില വിവരങ്ങൾ സംബന്ധിച്ച സൂചനകളും ഇതിനകം…

ദുബായ്: ഗൾഫ് യാത്രകൾക്കായി വിമാന ടിക്കറ്റുകൾ ബുക്ക് ചെയ്യുന്നതിന് ഇനി ക്രിപ്‌റ്റോകറൻസികളും ഉപയോഗപ്പെടുത്താം. യുഎഇയിലെ പ്രമുഖ വിമാനക്കമ്പനിയായ എമിറേറ്റ്‌സ്, തങ്ങളുടെ ടിക്കറ്റ് ബുക്കിംഗുകൾക്കായി ക്രിപ്‌റ്റോകറൻസി പേയ്‌മെന്റ് സംവിധാനം ഔദ്യോഗികമായി ആരംഭിച്ചു. ക്രിപ്‌റ്റോ.കോം പേ (Crypto.com Pay) ഉപയോഗിച്ചാണ് ഉപഭോക്താക്കൾക്ക് തങ്ങളുടെ ഫ്ലൈറ്റ് ടിക്കറ്റുകൾക്കായി പണമടയ്ക്കാൻ സാധിക്കുക. എയർലൈനിന്റെ ഔദ്യോഗിക വെബ്‌സൈറ്റ് അല്ലെങ്കിൽ മൊബൈൽ ആപ്പ് വഴി ടിക്കറ്റ് ബുക്ക് ചെയ്യുമ്പോൾ യുഎഇയിലെ ഉപഭോക്താക്കൾക്ക് ഈ പുതിയ ഡിജിറ്റൽ പേയ്‌മെന്റ് സൗകര്യം തിരഞ്ഞെടുക്കാവുന്നതാണ്. യുഎഇ ദിർഹമിൽ ഇടപാടുകൾ നടത്തുന്ന, ക്രിപ്‌റ്റോ.കോം അക്കൗണ്ടുള്ള യാത്രക്കാർക്ക് മാത്രമാണ് നിലവിൽ ഈ സേവനം ലഭ്യമാക്കിയിരിക്കുന്നത്. 2025 ജൂലൈയിൽ എമിറേറ്റ്‌സും ക്രിപ്‌റ്റോ.കോമും തമ്മിൽ ഒപ്പുവെച്ച ധാരണാപത്രത്തിന്റെ അടിസ്ഥാനത്തിലാണ് ഈ ഡിജിറ്റൽ പേയ്‌മെന്റ് സംവിധാനം നടപ്പിലാക്കിയിരിക്കുന്നത്. എമിറേറ്റ്സ് വെബ്‌സൈറ്റിലെ ചെക്ക്ഔട്ട് പേജിൽ ക്രിപ്‌റ്റോ.കോം പേ ഓപ്ഷൻ തിരഞ്ഞെടുത്തുകൊണ്ട് ഇടപാടുകൾ പൂർത്തിയാക്കാം. സുരക്ഷിതമായ രീതിയിൽ റെഗുലേറ്ററി മാനദണ്ഡങ്ങൾ പാലിച്ചാണ് ഈ പേയ്‌മെന്റ് സംവിധാനം പ്രവർത്തിക്കുന്നതെന്ന് എമിറേറ്റ്‌സ് ഡെപ്യൂട്ടി പ്രസിഡന്റും ചീഫ് കൊമേഴ്‌സ്യൽ…

ഗുരുവായൂർ: വിവാഹം രണ്ട് വ്യക്തികളുടെ മാത്രമല്ല, രണ്ട് കുടുംബങ്ങളുടെ കൂടി കൂട്ടായ്മയാണ്. സന്തോഷകരമായ ദാമ്പത്യജീവിതത്തിന് സ്നേഹം മാത്രമല്ല, പരസ്പര ധാരണയും തുറന്ന ആശയവിനിമയവും അത്യാവശ്യമാണെന്ന തിരിച്ചറിവ് വർധിച്ചതോടെ വിവാഹത്തിന് മുമ്പുള്ള കൗൺസിലിംഗിന് ഇന്ന് വലിയ പ്രാധാന്യമാണ് ലഭിച്ചുവരുന്നത്. കൗൺസിലിംഗിലൂടെ വിവാഹശേഷമുള്ള ജീവിതത്തെക്കുറിച്ചുള്ള പ്രതീക്ഷകൾ ഇരുവരും തുറന്ന് പങ്കുവെക്കാൻ അവസരമൊരുങ്ങുന്നു. കരിയർ, കുടുംബജീവിതം, കുട്ടികൾ, താമസം, മാതാപിതാക്കളുടെ ഉത്തരവാദിത്വം തുടങ്ങിയ വിഷയങ്ങളിൽ വ്യക്തമായ ധാരണ രൂപപ്പെടുത്താൻ ഇത് സഹായിക്കുന്നു. കൂടാതെ, സാമ്പത്തിക കാര്യങ്ങളിലും കൗൺസിലിംഗ് നിർണ്ണായക പങ്ക് വഹിക്കുന്നുണ്ട്. വരുമാനം, ചെലവുകൾ, സമ്പാദ്യം, വായ്പകൾ, ഭാവി സാമ്പത്തിക ലക്ഷ്യങ്ങൾ എന്നിവയെക്കുറിച്ച് മുൻകൂട്ടി ചർച്ച ചെയ്യുന്നത് ദാമ്പത്യത്തിലുണ്ടാകാവുന്ന അഭിപ്രായവ്യത്യാസങ്ങൾ ഒരു പരിധിവരെ കുറയ്ക്കാൻ സഹായിക്കും. അഭിപ്രായഭിന്നതകൾ ആരോഗ്യകരമായി എങ്ങനെ പരിഹരിക്കാം, പരസ്പരം ശ്രദ്ധയോടെ എങ്ങനെ കേൾക്കാം, ബഹുമാനത്തോടെയുള്ള ആശയവിനിമയം എങ്ങനെ ഉറപ്പാക്കാം തുടങ്ങിയ കാര്യങ്ങളും കൗൺസിലിംഗിൽ ചർച്ചാവിഷയമാകുന്നു. വിവാഹത്തിന് മുമ്പുള്ള കൗൺസിലിംഗ് എന്നത് കേവലം ഒരു പ്രശ്നപരിഹാര മാർഗ്ഗമല്ല, മറിച്ച് സന്തുലിതവും സന്തോഷകരവുമായ കുടുംബജീവിതത്തിനായുള്ള…

ഇരിട്ടി: ബസ് സ്റ്റാൻഡിലെ ഇരിപ്പിടത്തെച്ചൊല്ലിയുണ്ടായ തർക്കം കൊലപാതകശ്രമത്തിൽ കലാശിച്ചു. ഇരിട്ടി ബസ് സ്റ്റാൻഡിൽ യാത്രക്കാരനായ കോളാരി സ്വദേശി നാസറിനെ കല്ലുകൊണ്ട് ആക്രമിച്ച സംഭവത്തിൽ കീഴൂർ സ്വദേശികളായ സുഭാഷ്, ഭാര്യ പാർവതി എന്നിവരെ പൊലീസ് അറസ്റ്റ് ചെയ്തു. ഇരിട്ടി ബസ് സ്റ്റാൻഡിലെ ബെഞ്ചിൽ ഇരിക്കുകയായിരുന്ന നാസറിനോട് അവിടെനിന്ന് മാറണമെന്ന് ദമ്പതികൾ ആവശ്യപ്പെടുകയായിരുന്നു. തങ്ങൾ സ്ഥിരമായി ഇരിക്കുന്ന സ്ഥലമാണിതെന്നും ഇവിടെ ഇരിക്കാൻ പാടില്ലെന്നും ഇവർ വാദിച്ചു. ഇതിനെച്ചൊല്ലി ഇവർ തമ്മിൽ വാക്കേറ്റമുണ്ടാവുകയും, തുടർന്ന് ദമ്പതികൾ നാസറിനെ കല്ലുകൊണ്ട് ക്രൂരമായി ആക്രമിക്കുകയുമായിരുന്നു. ആക്രമണത്തിൽ ഗുരുതരമായി പരിക്കേറ്റ നാസർ ആശുപത്രിയിൽ ചികിത്സയിലാണ്. സംഭവത്തിൽ ഇരിട്ടി പൊലീസ് കൊലപാതകശ്രമത്തിന് കേസെടുത്ത് അന്വേഷണം ആരംഭിച്ചു. പിടിയിലായ സുഭാഷ് ലഹരിക്കടത്ത് ഉൾപ്പെടെയുള്ള 16 ക്രിമിനൽ കേസുകളിൽ പ്രതിയാണെന്ന് പൊലീസ് വ്യക്തമാക്കി. സംഭവത്തിൽ കൂടുതൽ നിയമനടപടികൾ സ്വീകരിച്ചു വരുന്നതായി അധികൃതർ അറിയിച്ചു.

തിരുവനന്തപുരം: പട്ടികജാതി വിഭാഗത്തിൽപ്പെട്ട, സിവിൽ സർവീസ് പരീക്ഷയ്ക്ക് തയ്യാറെടുക്കുന്ന വിദ്യാർത്ഥികൾക്കായി സംസ്ഥാന സർക്കാർ ആവിഷ്കരിച്ച പരിശീലന പദ്ധതിയിൽ ധനസഹായത്തിനായി അപേക്ഷ ക്ഷണിച്ചു. 2026-27 അധ്യയന വർഷത്തേക്കുള്ള പരിശീലനത്തിനായാണ് ഇപ്പോൾ അപേക്ഷകൾ സ്വീകരിക്കുന്നത്. ജില്ലയിലെ വിവിധ ഗ്രാമപഞ്ചായത്തുകളിൽ സ്ഥിരതാമസക്കാരായ അർഹരായ വിദ്യാർത്ഥികൾക്ക് ഈ പദ്ധതിയുടെ പ്രയോജനം ലഭിക്കുമെന്ന് ജില്ലാ പട്ടികജാതി വികസന ഓഫീസർ അറിയിച്ചു. അപേക്ഷകർ വിദ്യാഭ്യാസ യോഗ്യത, ജാതി, പ്രായം എന്നിവ തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ, ആധാർ കാർഡ്, ബാങ്ക് പാസ്ബുക്ക് എന്നിവയുടെ പകർപ്പുകൾ സഹിതം നിശ്ചിത മാതൃകയിൽ അപേക്ഷ സമർപ്പിക്കേണ്ടതാണ്. ഓഗസ്റ്റ് 31-ന് വൈകുന്നേരം 5 മണിക്ക് മുൻപായി അപേക്ഷകൾ അതത് ഓഫീസിൽ എത്തിയിരിക്കണം. പൂർത്തിയായ അപേക്ഷകൾ ജില്ലാ പട്ടികജാതി വികസന ഓഫീസർ, ജില്ലാ പട്ടികജാതി വികസന ഓഫീസ്, അയ്യൻകാളി ഭവൻ (ഒന്നാം നില), കനകനഗർ, വെള്ളയമ്പലം, തിരുവനന്തപുരം – 695003 എന്ന വിലാസത്തിലാണ് സമർപ്പിക്കേണ്ടത്. കൂടുതൽ വിവരങ്ങൾക്കും സംശയങ്ങൾക്കും 0471- 2314238 എന്ന നമ്പറിൽ ബന്ധപ്പെടാവുന്നതാണ്. അർഹരായ…

തിരുവനന്തപുരം: കർക്കടക വാവുബലി തർപ്പണത്തോടനുബന്ധിച്ച് തിരുവനന്തപുരം ജില്ലയിലെ വിവിധ പ്രദേശങ്ങളിൽ മദ്യവിൽപ്പനശാലകൾക്ക് നിരോധനം ഏർപ്പെടുത്തി ജില്ലാ കളക്ടർ അനു കുമാരി ഉത്തരവിറക്കി. ആഗസ്റ്റ് 11 രാത്രി 12 മണി മുതൽ ആഗസ്റ്റ് 12 ഉച്ചയ്ക്ക് 2 മണി വരെയാണ് നിയന്ത്രണം ഏർപ്പെടുത്തിയിരിക്കുന്നത്. ജില്ലാ മജിസ്‌ട്രേറ്റ് കൂടിയായ കളക്ടറുടെ ഉത്തരവ് പ്രകാരം, തിരുവനന്തപുരം കോർപ്പറേഷൻ പരിധി, വർക്കല മുനിസിപ്പാലിറ്റി, അരുവിക്കര, പെരുങ്കടവിള ഗ്രാമപഞ്ചായത്തുകൾ എന്നിവിടങ്ങളിലെ എല്ലാ മദ്യവിൽപ്പനശാലകളും ഈ സമയപരിധിയിൽ അടച്ചിടണം. കർക്കടക വാവുബലി പ്രമാണിച്ച് ബലിതർപ്പണ ചടങ്ങുകൾ നടക്കുന്ന പ്രധാന കേന്ദ്രങ്ങളിൽ വൻ ജനത്തിരക്കാണ് പ്രതീക്ഷിക്കുന്നത്. തിരുവല്ലം പരശുരാമക്ഷേത്രം, വർക്കല പാപനാശം കടപ്പുറം, അരുവിക്കര ദേവീക്ഷേത്രം, അരുവിപ്പുറം ശിവക്ഷേത്രം എന്നിവിടങ്ങളിലും പരിസരങ്ങളിലുമാണ് നിയന്ത്രണം കർശനമാക്കിയിട്ടുള്ളത്. സ്ത്രീകളും കുട്ടികളും ഉൾപ്പെടെയുള്ള ഭക്തർ സുഗമമായി ചടങ്ങുകളിൽ പങ്കെടുക്കുന്നതിനും, പ്രദേശത്തെ ക്രമസമാധാന പാലനം ഉറപ്പുവരുത്തുന്നതിനുമാണ് ഇത്തരമൊരു മുൻകരുതൽ നടപടി സ്വീകരിച്ചിരിക്കുന്നത്.

ചെന്നൈ: പൊതുഗതാഗത ബസ്സുകളിൽ യാത്ര ചെയ്യുമ്പോൾ മൊബൈൽ ഫോണിൽ ഉച്ചത്തിൽ പാട്ടുകൾ കേൾക്കുന്നതിനും സ്പീക്കറിൽ റീൽസുകളും വീഡിയോകളും കാണുന്നതിനും തമിഴ്നാട് സർക്കാർ കർശന വിലക്കേർപ്പെടുത്തി. സഹയാത്രക്കാർക്ക് ശല്യമാകുന്ന രീതിയിൽ ഫോൺ സ്പീക്കർ ഉപയോഗിക്കുന്നവരിൽ നിന്നും 500 രൂപ മുതൽ 1000 രൂപ വരെ പിഴ ഈടാക്കാനാണ് തീരുമാനം. തമിഴ്നാട് സ്റ്റേറ്റ് ട്രാൻസ്പോർട്ട് കോർപ്പറേഷന്റെ കീഴിലുള്ള എം.ടി.സി, എസ്.ഇ.ടി.സി ഉൾപ്പെടെയുള്ള ഇരുപതിനായിരത്തോളം സർക്കാർ ബസുകളിൽ ഈ പുതിയ നിർദേശം ഉടൻ നടപ്പാക്കും. യാത്രക്കാരെ ബോധവൽക്കരിക്കുന്നതിനായി ബസുകളുടെ മുൻവാതിലിന് സമീപം, മധ്യഭാഗം, പിൻവാതിലിന് സമീപം എന്നീ മൂന്ന് പ്രധാന സ്ഥലങ്ങളിൽ ഇതുസംബന്ധിച്ച അറിയിപ്പുകൾ പതിപ്പിക്കും. പാട്ടുകളും വീഡിയോകളും കേൾക്കാൻ ഇയർഫോണുകളോ ബ്ലൂടൂത്ത് ഹെഡ്ഫോണുകളോ നിർബന്ധമായും ഉപയോഗിക്കണമെന്ന് അധികൃതർ വ്യക്തമാക്കി. ദീർഘദൂര യാത്രകളിലും തിരക്കേറിയ സമയങ്ങളിലും ഫോൺ സ്പീക്കറിൽ പാട്ടുകൾ വെക്കുന്നതും വീഡിയോകൾ കാണുന്നതും മറ്റ് യാത്രക്കാർക്ക് വലിയ ബുദ്ധിമുട്ടുണ്ടാക്കുന്നതായി വ്യാപക പരാതികൾ ഉയർന്നിരുന്നു. ഇതിന്റെ അടിസ്ഥാനത്തിലാണ് നടപടി. സ്പീക്കർ ഉപയോഗിച്ച് ശല്യമുണ്ടാക്കുന്ന യാത്രക്കാരോട് ശബ്ദം…